Im Wald im schöne grüene Wald, hani es Plätzli womer gfallt, ich liege det im weiche Moos und stuune, luege bloos. Ich loose wie de Vogel singt, und au wie s`Bächli luschtig springt, d`Chäferli und d`Müggli chly, die sümmelet verbi. Die Spinnli mit de lange Bei, sie chräsmed über Moos und Stei, und s`Schnäggli chrücht de Pilzli naa, s`wet öppis z`Frässe ha. Doch öppis gfallt mer bsunders guet, wenn's i de Tanne rusche tuet und s`Eichörnli drin still versteckt, sis Näsli füre streckt.